(រ៉ូម)៖ យោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃអង្គារ ទី២៣ ខែឧសភា ឆ្នាំ២០២៣ បានបញ្ជាក់ថា នាយករដ្ឋមន្ត្រីអ៊ីតាលី លោកស្រី Giorgia Meloni បាននិយាយនៅ ថ្ងៃអង្គារ (២៣ ឧសភា) ថា ប្រទេសអ៊ីតាលីបានអនុម័តកញ្ចប់ជំនួយសង្គ្រោះបន្ទាន់ ដែលមានតម្លៃ ជាង ២ពាន់លានអឺរ៉ូ (២.២ពាន់លានដុល្លារ) ដើម្បីជួយតំបន់ដែលរងផលប៉ះពាល់ដោយទឹកជំនន់ នៅភាគខាងជើងនៃតំបន់ Emilia-Romagna។
ជិតមួយសប្តាហ៍បន្ទាប់ពីគ្រោះមហន្តរាយធម្មជាតិ មនុស្សប្រហែល ២៣,០០០នាក់នៅតែគ្មាន ផ្ទះសម្បែង ហើយទីក្រុងមួយចំនួននៅតែជន់លិច ខណៈដែលដីស្រែមានជីជាតិពិសេសរាប់ពាន់ហិច តាត្រូវបានបំផ្លាញ។
លោកស្រី Meloni ដែលបានទៅទស្សនាតំបន់រងគ្រោះកាលពីថ្ងៃអាទិត្យមុននឹងទៅចូលកិច្ចប្រជុំ កំពូល G7 នៅប្រទេសជប៉ុន បានកោះប្រជុំគណៈរដ្ឋមន្ត្រីកាលពីថ្ងៃអង្គារដើម្បីអនុម័តវិធានការនេះ ។ លោកស្រី Meloni បាននិយាយបន្ទាប់ពីកិច្ចប្រជុំគណៈរដ្ឋមន្ត្រីថា កញ្ចប់ជំនួយសង្គ្រោះបន្ទាន់នេះ រួមបញ្ចូលការចំណាយទាក់ទងនឹងគ្រាអាសន្ន ក៏ដូចជាការផ្អាកពន្ធ និងវិភាគទានសង្គមសម្រាប់ គ្រួសារ និងក្រុមហ៊ុនដែលរងផលប៉ះពាល់៕
