(ខារទូម)៖ យោងតាមការចេញផ្សាយដោយទីភ្នាក់ងារសារព័ត៌មានស៊ីនហួរ បានប្រាប់អោយដឹងថា សហជីបវេជ្ជបណ្ឌិតស៊ូដង់បានឱ្យដឹងថា ចំនួនអ្នកស្លាប់ក្នុងការប៉ះទង្គិចប្រដាប់អាវុធរវាងកងទ័ពស៊ូដង់ និងកងកម្លាំងគាំទ្ររហ័ស (RSF) បានកើនឡើងដល់ ៨៦៣ នាក់ហើយគិតត្រឹមថ្ងៃទី២២ ខែឧសភា ឆ្នាំ២០២៣
អង្គការក្រៅរដ្ឋាភិបាលមួយនេះបាននិយាយនៅក្នុងសេចក្តីថ្លែងការណ៍មួយថា «ចំនួននៃការស្លាប់របស់ជនស៊ីវិល ចាប់តាំងពីការចាប់ផ្តើមនៃការប៉ះទង្គិចគ្នាបានកើនឡើងដល់ ៨៦៣នាក់ ជាមួយនឹង របួស៣,៥៣១នាក់»។
ការិយាល័យអង្គការសហប្រជាជាតិ សម្រាប់ការសម្របសម្រួលកិច្ចការមនុស្សធម៌ (OCHA) បាន និយាយនៅក្នុងរបាយការណ៍ចុងក្រោយរបស់ខ្លួនកាលពីថ្ងៃអាទិត្យថា មនុស្សជាង ១លាននាក់ត្រូវ បានផ្លាស់ទីលំនៅចាប់តាំងពីជម្លោះបានចាប់ផ្តើមនៅថ្ងៃទី១៥ ខែមេសា ដោយបានភៀសខ្លួនទៅ កាន់ទីតាំងដែលមានសុវត្ថិភាពក្នុង និងក្រៅប្រទេសស៊ូដង់។
របាយការណ៍ដដែលបានបន្ថែមថា ជាង ៨៤៣,១០០នាក់ ត្រូវបានផ្លាស់ទីលំនៅផ្ទៃក្នុងនៅក្នុង ប្រទេសស៊ូដង់ ហើយមនុស្សជាង ២៤៨,០០០នាក់បានឆ្លងព្រំដែនចូលទៅក្នុងប្រទេសជិតខាង រួមទាំងសាធារណរដ្ឋអាហ្វ្រិកកណ្តាល ឆាដ អេហ្ស៊ីប អេត្យូពី និងប្រទេសស៊ូដង់ខាងត្បូង៕
