ភ្នំពេញ ៖ សហគ្រិនវ័យក្មេងកម្ពុជា រួមគ្នាបង្កើត «បណ្ណាល័យ Electronic » ដែលហៅថា Mobile App ថ្មីមួយជាផ្លូវការ ដែលបង្កើតឡើងដោយក្រុមហ៊ុន IDEA 3MS GLOBAL CO.,LTD។ ពិធីប្រកាស ដាក់សម្ពោធ Mobile App ថ្មីមួយជាផ្លូវការ ដែលប្រារព្ធធ្វើឡើងនៅ សណ្ឋាគារ Raffles Le Royal Phnom Penh ថ្ងៃទី០៨ ខែមករា ឆ្នាំ២០២០នេះ ។
លោក ជា ឌីណា ដែលជាស្ថាបនិករបស់ក្រុមហ៊ុន IDEA 3MS GLOBAL CO.,LTD បានមានប្រសាស៍ថា បច្ចេកវិទ្យាកំពុងដើរតួនាទីយ៉ាងសកម្មដល់ការលើកកម្ពស់ ប្រសិទ្ធភាពការងារនៅតាមបណ្តា ក្រសួង ស្ថាប័ន អង្គភាព អាជីវកម្មព្រមទាំងអាជីវករទូទៅ។ កត្តានោះដែលជាធ្វើឲ្យលោកព្រមទាំងក្រុមការងារទាំងអស់គ្នា បានរួមគ្នាបង្កើត App ថ្មីមួយដែល ឈ្មោះថា «គំនិត» ។ « App គំនិត» នេះអាចនិយាយបានថា ជាបណ្ណាល័យ Electronic ដ៏ធំមួយ ដែលអ្នកអានអាចស្វែងរកបាននូវពត៍មាន និង មេរៀនល្អៗ ប្រកបដោយភាព សំរិតសំរាំង សម្រាប់យកមកអានដើម្បីបង្កើននូវចំណេះដឹង ចំណេះធ្វើ បទពិសោធន៍ ភាពប្រឈម ព្រមទាំងដំណោះស្រាយផ្សេងៗតាមរយៈ Smart phone ។ គោលបំណងធំក្នុងការបង្កើតឡើងនៅ App ថ្មីមួយនេះ គឺដើម្បី លើកទឹកចិត្តជំរុញទឹកចិត្ត និងបំផុសបំផុលអោយប្រជាពលរដ្ឋខ្មែរទាំងអស់ ជាពិសេសសិស្ស និស្សិត យុវជន ក៏ដូចជាសហគ្រិនទូរទៅផងដែរ អោយពួកគាត់ចាប់ផ្តើមស្រលាញ់ការអានចាប់ផ្តើមស្រលាញ់ការអភិវឌ្ឍន៍ខ្លួនឯង។ ពិសេស ដើម្បីលើកស្ទួយ ស្នាដៃអ្នកនិពន្ធក្នុងស្រុក អោយពួកគាត់ មានប្រភពចំនូលមួយផ្នែកកទៀត តាមរយះការដាក់លក់សៀវភៅរបស់ពួកគាត់ នៅក្នុង App មួយនេះ លើសពីនេះទៅទៀត យើងនឹងធ្វើការផ្សព្វផ្សាយ ដើម្បីអោយពួកគាត់មានភាពល្បីល្បាញទៅសាកលលោក។
គួរបញ្ជាក់ថា Mobile App ថ្មីមួយនេះ ត្រូវបានដាក់អោយមានប្រត្តបត្តិការ នៅក្នុងប្រព័ន្ធ IOS និង Android ដែលគ្រប់គ្នាអាចធ្វើការ Download បានចាប់ពីពេលនេះតទៅ ។ ប្រសិនជាអ្នកទាំងអស់គ្នា ប្រើប្រាស់ Iphone សូមចូលទៅកាន់ App Store រួចធ្វើការទាញយក ហើយសម្រាប់អ្នកប្រើប្រាស់ទូរសព្ទ ប្រភេទប្រតិបត្តិការ Android សូមចូលទៅកាន់ Play store រួច download ជាការស្រេច៕
