(ភ្នំពេញ)៖ អង្គភាពអ្នកនាំពាក្យរាជរដ្ឋាភិបាល នឹងរៀបចំសន្និសីទសារព័ត៌មាន ស្តីពី «បច្ចុប្បន្នភាព ក្នុងការផ្គត់ផ្គង់ទឹកស្អាតនៅភូមិសាស្ត្ររាជធានីភ្នំពេញ» នៅព្រឹកថ្ងៃទី០២ ខែមិថុនា ឆ្នាំ២០២២ ស្អែក នេះ នៅទីស្តីការគណៈរដ្ឋមន្ដ្រី សាលសេរីភាព ជាន់ផ្ទាល់ដី។
ក្នុងសេចក្ដីជូនដំណឹងដែលទទួលបានបញ្ជាក់ថា សន្និសីទសារព័ត៌មាននេះ ប្រព្រឹត្តឡើងក្នុងគោល បំណងដើម្បីជម្រាបជូនសាធារណជន ជាពិសេសប្រជាពលរដ្ឋ ដែលកំពុងរស់នៅក្នុងភូមិសាស្ត្រ រាជធានីភ្នំពេញ បានជ្រាបច្បាស់អំពីស្ថានភាព នៃដំណើរការក៏ដូចជាបច្ចុប្បន្នភាព នៃកិច្ចខិតខំប្រឹង ប្រែងរបស់រដ្ឋាករទឹកស្វយ័តក្រុងភ្នំពេញ ក្នុងការផលិត និងផ្គត់ផ្គង់ទឹកស្អាត បានគ្រប់គ្រាន់តាម តម្រូវការនាពេលសព្វថ្ងៃនេះ។
វាគ្មិនដែលនឹងអញ្ជើញចូលរួម លោក ឡុង ណារ៉ូ អគ្គនាយក និងជាសមាជិកក្រុមប្រឹក្សាភិបាល រដ្ឋាករទឹកស្វយ័តក្រុងភ្នំពេញ៕
