(ភ្នំពេញ)៖ ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន បាន បញ្ជាក់ថា ក្នុងនាមអាជ្ញាធរជាតិប្រយុទ្ធប្រឆាំងគ្រឿងញៀន រាជរដ្ឋាភិបាលកម្ពុជា បន្តគាំទ្រយ៉ាង ពេញទំហឹងចំពោះយន្តការរួម ក្នុងការប្រយុទ្ធប្រឆាំងគ្រឿងញៀនក្នុងតំបន់ត្រីកោណមាស ដោយរៀ បចំនិងពង្រឹងនូវយន្តការនិងចាត់វិធានការយ៉ាងតឹងរឹងក្នុងការប្រយុទ្ធប្រឆាំងគ្រឿងញៀនក្នុងតំបន់មេគង្គលើ និងតំបន់មេគង្គក្រោម រួមជាមួយតំបន់ពាក់ព័ន្ធដទៃទៀត សំដៅទប់ស្កាត់ឱ្យមានប្រសិទ្ធភាព ខ្ពស់ក្នុងការនាំសារធាតុគីមីផ្សំចូល និងការចរាចរគ្រឿងញៀន ចេញពីតំបន់ត្រីកោណមាស។
ការបញ្ជាក់បែបនេះរបស់ឧបនាយករដ្ឋមន្ត្រី កែ គឹមយ៉ាន បានធ្វើឡើងនៅក្នុងឱកាសដែលឧបនា យករដ្ឋមន្រ្តី បានអញ្ជើញជាអធិបបតីភាពបើកកិច្ចប្រជុំថ្នាក់មន្រ្តីជាន់ខ្ពស់ នៃបណ្តាប្រទេសហត្ថ លេខីលើអនុស្សរណៈ នៃការយោគយល់គ្នា ឆ្នាំ១៩៩៣ ស្តីពី «កិច្ចសហប្រតិបត្តិការត្រួតពិនិត្យ គ្រឿងញៀន» នៅព្រឹកថ្ងៃទី០៩ ខែកញ្ញា ឆ្នាំ២០២១នេះ តាមរយៈប្រព័ន្ធវីដេអូ។
ដោយមានការចូលរួមពីសំណាក់ប្រធានប្រតិភូថ្នាក់មន្រ្តីជាន់ខ្ពស់ នៃអាជ្ញាធរជាតិប្រយុទ្ធប្រឆាំង គ្រឿងញៀន និងមានការអញ្ជើញចូលរួមពីសំំណាក់បណ្តាប្រទេសហត្ថលេខីទាំង៦ នៃមហាអនុ តំបន់ទន្លេមេគង្គរួមមាន៖ កម្ពុជា ចិន មីយ៉ាន់ម៉ា ឡាវ ថៃ វៀតណាម រួមនឹងលោក Jeremy Douglas តំណាងអង្គការសហប្រជាជាតិទទួលបន្ទុកគ្រឿងញៀន និងឧក្រិដ្ឋកម្ម (UNODC) ប្រចាំតំបន់អាស៊ីអាគ្នេយ៍ និងប៉ាស៊ីហ្វិក ដែលជាដៃគូដ៏មានសារៈសំខាន់ រួមទាំងតំណាងក្រសួង ស្ថាប័នពាក់ព័ន្ធរបស់រាជរដ្ឋាភិបាលនៃព្រះរាជាណាចក្រកម្ពុជា។
ជាមួយគ្នានេះ ឧបនាយករដ្ឋមន្ត្រី កែ គឹមយ៉ាន បានលើកឡើងថា កម្ពុជាឯកភាព និងវាយតម្លៃខ្ពស់ ចំពោះការយល់ឃើញថា «គ្មានសារធាតុគីមីផ្សំ គ្មានគ្រឿងញៀន» ហើយកម្ពុជា ក៏បាននឹងកំពុងដាក់ ចេញនូវវិធានការនិងសកម្មភាពជាក់ស្តែងមួយចំនួនក្នុងការចូលរួមទប់ស្កាត់ឱ្យមានប្រសិទ្ធភាពបំផុត ក្នុងការបង្វែរសារធាតុគីមីផ្សំពីសកម្មភាពស្របច្បាប់ទាំងក្នុងផ្ទៃប្រទេស និងនាំទៅកាន់តំបន់ផ្សេងៗ ក៏ដូចជាការចូលរួមអនុវត្តឱ្យបានពេញលេញ នូវផែនការសកម្មភាពអនុតំបន់១១ ដែលបានដាក់ ចេញកន្លងមក។
ក្នុងន័យនេះ ឆ្លើយតបទៅនឹងស្ថានភាពដូចខាងលើ ឧបនាយករដ្ឋមន្ត្រី កែ គឹមយ៉ាន បានស្នើសុំកិច្ច បប្រជុំទាំងមូល ពិសេសអង្គការ យូ អិន អូ ឌី ស៊ី ពិនិត្យពិភាក្សាលើការកែសម្រួល និងរៀបចំផែន ការសកម្មភាពអនុតំបន់ឱ្យ មានភាពសមស្រប និងឆ្លើយតបផ្តោតលើទិដ្ឋភាពនៃបច្ចុប្បន្នភាពដូចខាង ក្រោម៖
*ទី១៖ ដោយការបន្តឆ្លងរាតត្បាតនៃជំងឺកូវីដ១៩ គួរបង្វែរសកម្មភាពជាទ្រឹស្តី មកជាការអនុវត្ត ជាក់ស្តែង តាមរយៈការផ្តល់ថវិកា មធ្យោបាយ សម្ភារៈ និងការត្រួតពិនិត្យវាយតម្លៃ។
*ទី២៖ ពិនិត្យ និងវាយតម្លៃពីបញ្ហាជាក់ស្តែង ដែលនៅតែអាចផ្តល់ឱកាសឱ្យក្រុមឧក្រិដ្ឋជន អាច បង្វែរ និងនាំសាធារគីមីទៅកាន់តំបន់ត្រីកោណមាស និងធ្វើការផលិតគ្រឿងញៀនបានទៅតាម តំបន់នានា។
*ទី៣៖ បញ្ហាជាក់ស្តែង និងបច្ចុប្បន្នភាពបំផុត គឺការផលិត ការកែច្នៃ និងការប្រើប្រាស់គ្រឿងញៀន ក្នុងប្រទេសនីមួយៗ និងតំបន់ទាំងមូលមានការកើនឡើង។ ដូច្នេះ តើយើងត្រូវរៀបចំ កែសម្រួល ផែនការសកម្មភាពអនុតំបន់របស់យើងបែបណា? ទាំងនេះ គឺជាបញ្ហាខ្លះៗ ដែលខ្ញុំស្នើកិច្ចប្រជុំរបស់ យើងគួរពិនិត្យ ពិភាក្សា និងពិចារណា»។
បន្ថែមពីនេះ ឧបនាយករដ្ឋមន្ត្រី ក៏បានអំពាវនាវ និងស្នើដល់សហគមន៍អន្តរជាតិ អង្គការ យូអិន អូឌីស៊ី និងបណ្តាប្រទេសដៃគូអភិវឌ្ឍន៍ ព្រមទាំងបប្រទេសពាក់ព័ន្ធទាំងអស់ សូមបន្តផ្តល់នូវកិច្ច សហការចូលរួមនិងគាំទ្រដំណើរការអនុវត្តន៍ផែនការសកម្មភាពអនុតំបន់របស់យើងឱ្យដំណើរការបានប្រកបដោយប្រសិទ្ធភាព និងប្រសិទ្ធផលខ្ពស់ ព្រោះថាការរួមចំណែក និងការគាំទ្រពីបណ្តា ប្រទេសដៃគូអភិវឌ្ឍន៍ក្នុង ការអនុវត្តន៍ផែនការសកម្មភាពនេះ គឺមិនត្រឹមតែជួយទប់ស្កាត់ និងកាត់ បន្ថយនូវការគំរាមកំហែងពីគ្រឿងញៀនសម្រាប់តែប្រទេសក្នុងតំបន់នេះប៉ុណ្ណោះទេ ប៉ុន្តែ ក៏បានទប់ ស្កាត់នូវការចរាចរ និងការផលិតគ្រឿងញៀនពីតំបន់ត្រីកោណមាស ទៅកាន់តំបន់ផ្សេងៗ ក្នុងពិភពលោក ស្របតាមស្មារតីនៃការប្តេជ្ញាចិត្តរបស់យើងទាំងអស់គ្នា ដែលបានធ្វើឡើងនៅក្នុងកិច្ចប្រជុំ យូ អិន ហ្គាស (UNGASS) កន្លងមក និងឈានទៅសម្រេចគោលដៅអភិវឌ្ឍន៍ សហសវត្សរ៍ប្រកប ដោយចីរភាពផងដែរ៕
