បុរសម្នាក់បានស្លាប់ដោយសារបើកបររថយន្តធ្លាក់ផ្លូវហើយក្រឡាប់លើផ្លូវជាតិលេខ ១៤២ ស្ថិតក្នុងភូមិព្រៃមៀន ឃុំរស្មីសាមគ្គី ស្រុកឱរ៉ាល់កាលពីយប់ថ្ងៃទី២២ខែកក្កដាឆ្នាំ២០២១។
នគរបាលមូលដ្ឋានបានឲ្យដឹងថារថយន្តម៉ាកហ៊ីណូ ពណ៍ស ពាក់ស្លាកលេខកំពង់ស្ពឺ 3A-1878 សណ្តោងរ៉ឺម៉ក ពាក់ស្លាកលេខ 4A-0140 បើកបរដោយឈ្មោះទី សីហា ភេទប្រុស អាយុ៣០ឆ្នាំ រស់នៅភូមិត្រពាំងអត់ទឹក ឃុំគិរីវ័ន្ត ស្រុកភ្នំស្រួច ខេត្តកំពង់ស្ពឺ។ឡានបានបើកបរពីត្បូងទៅជើង លុះដល់ចំណុចកើតហេតុស្រាប់តែរេចង្កូតធ្លាក់ផ្លូវក្រឡាប់រថយន្តបណ្ដាលឲ្យអ្នកបើកបរស្លាប់ភ្លាមៗនៅនឹងកន្លែង ។
ក្រោយកើតហេតុសមត្ថកិច្ចបានចុះត្រួតពិនិត្យកន្លែងកើតហេតុ បានប្រគល់សាកសពជូនទៅសាច់ ញាតិ យកទៅធ្វើបុណ្យតាមប្រពៃណី ៕
