(ស៉ីដនី)៖ តាមការចេញ ផ្សាយដោយទីភ្នាក់ងារសារព័ត៌មាន Reuters នៅថ្ងៃពុធ ទី២៦ ខែមេសា ឆ្នាំ២០២៣ គឺ នាយករដ្ឋមន្ត្រីអូស្ត្រាលី លោក Anthony Albanese នៅថ្ងៃពុធនេះបាននិយាយថា ទីក្រុងស៊ីដនី នឹងធ្វើជាម្ចាស់ផ្ទះរៀបចំកិច្ចប្រជុំកំពូលក្រុមប្រទេសក្វាដ (Quad) ឆ្នាំ២០២៣ នៅថ្ងៃទី ២៤ ខែឧសភាខាងមុខ ហើយដែលនេះនឹងក្លាយជាជំនួបទល់មុខលើកទី៣រវាងមេដឹកនាំអូស្ត្រាលី សហរដ្ឋអាមេរិក ឥណ្ឌា និងជប៉ុន។
លោក Albanese បានគូសបញ្ជាក់ដូច្នេះថា «ខ្ញុំពិតជាមានកិត្តិយស សម្រាប់ការរៀបចំកិច្ចប្រជុំកំពូល ក្វាដជាលើកដំបូងមិនធ្លាប់មាននៅក្នុងទីក្រុងស៉ីដនី ប្រទេសអូស្ត្រាលី»។ លោកបន្ថែមថាក្វាដ បាន ប្ដេជ្ញាចិត្តចំពោះការបើកចំហ ស្ថិរភាព និងវិបុលភាពក្នុងតំបន់ឥណ្ឌូប៉ាស៊ីហ្វិក ដែលគោរពអធិប តេយ្យ និងធានាសន្តិសុខ ព្រមទាំងការរីកចម្រើនដល់ បណ្ដាប្រទេសទាំងអស់។
គួរបញ្ជាក់ថា បើតាមលោក Albanese មេដឹកនាំនៃក្រុមប្រទេសក្វាដ នឹងត្រូវពិភាក្សាគ្នាថាតើ ក្វាដត្រូវធ្វើបែបណា ដើម្បីអាចធ្វើការជាមួយប្រទេសជាដៃគូ និងសម្ព័ន្ធភាពក្នុង តំបន់ក្នុងនោះរួម មានទាំងអាស៊ាន និងវេទិកាប្រទេសដែនកោះប៉ាស៊ីហ្វិក ក្នុងគោលបំណងពង្រឹងកិច្ចសហប្រតិបត្តិ ការ និងសណ្ដាប់ធ្នាប់តំបន់៕
