ប្រទេសបារាំង ទទួលទង់ជាតិអូឡាំពិក ពីជប៉ុន ដើម្បីធ្វើម្ចាស់ផ្ទះម្តងនៅឆ្នាំ២០២៤

ប្រទេសបារាំង បានទទួលទង់ជាតិអូឡាំពិកក្នុងបិទ្ Tokyo Olympic Games 2020 នារាត្រីថ្ងៃអាទិត្យ ទី០៨ ខែសីហា ឆ្នាំ២០២១ នេះ ដើម្បីធ្វើម្ចាស់ផ្ទះបន្តសម្រាប់អូឡាំពិករដូវក្តៅ លើកទី៣៣ ឆ្នាំ២០២៤ ខាងមុខនេះ។

អភិបាលទីក្រុងប៉ារីស លោក Anne Hidalgo បានធ្វើការទទួលទង់ជាតិអូឡាំពិកពីប្រធាន IOC គឺលោក Thomas Bach នៅអំឡុងពិធីបិទការប្រកួត Tokyo Games 2020 នារាត្រីថ្ងៃអាទិត្យនេះ ដើម្បីទទួលភារកិច្ចបន្តធ្វើម្ចាស់ផ្ទះនៃព្រឹត្តិការណ៍ដែលមានរយៈពេល ៤ឆ្នាំម្តងនេះ។

វាមានរយៈពេល ១០០ឆ្នាំគត់ គិតចាប់តាំងពីបារាំងទទួលបានសិទ្ធិធ្វើម្ចាស់កីឡាអូឡាំពិកដំបូងកាលឆ្នាំ១៩២៤ មក ក្នុងនាមជាប្រទេសនៅទ្វីបអឺរ៉ុបទី២ ដែលទទួលបានសិទ្ធិធ្វើម្ចាស់ផ្ទះនៃកីឡាចម្រុះ Summer Olympic Games បន្ទាប់ពីទីក្រុង London នៃប្រទេសអង់គ្លេសកាលឆ្នាំ២០១២ កន្លងទៅ។

កន្លងមកលោកអភិបាលក្រុងខាងលើនេះក៏ធ្លាប់បានប្រាប់ Reuters ផងថា Paris 2024 នឹងមានទង់ជាតិអូឡាំពិកដ៏ធំធ្វើការដង្ហែរជុំវិញប៉ម Eiffel tower ផងដែរ ក្នុងន័យបញ្ជាក់ពីតម្លៃនៃកីឡាអូឡាំពិកមួយនេះ៕