រដ្ឋមន្ត្រីក្រសួងសុខាភិបាល តំណាងរាជរដ្ឋាភិបាលកម្ពុជា ទទួលកញ្ចប់តេស្តរកវីរុសអុតស្វា ចំនួន ៥០០ឯកតា ពីរដ្ឋាភិបាល និងប្រជាជនសហព័ន្ធរុស្សី

(ភ្នំពេញ)៖ ឯកឧត្តម សាស្រ្តាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល តំណាងរាជរដ្ឋាភិបាល កម្ពុជា នៅថ្ងៃទី០៤ ខែសីហា ឆ្នាំ២០២២នេះ បានអញ្ជើញទទួលទទួលកញ្ចប់តេស្តរកវីរុសអុតស្វា (Monkeypox Test Kits) ចំនួន ៥០០ឯកតា ពីរដ្ឋាភិបាល និងប្រជាជនសហព័ន្ធរុស្សី ជូនរាជរដ្ឋា ភិបាល និងប្រជាជនកម្ពុជា ដើម្បីទប់ស្កាត់ការរីករាលដាល នៃជំងឺអុតស្វាដែលប្រព្រឹត្ដទៅនៅ ទីស្តីការក្រសួងសុខាភិបាល។

ពិធីប្រគល់ និងទទួលនេះ មានការអញ្ជើញចូលរួមដោយផ្ទាល់ពីលោក Anatoly Borovik ឯកអគ្គរដ្ឋ ទូតវិសាមញ្ញនិងពេញសមត្ថភាព នៃសហព័ន្ធរុស្សី ប្រចាំកម្ពុជា។

ក្នុងឱកាសនោះ រដ្ឋមន្ដ្រីក្រសួងសុខាភិបាលបានថ្លែងថា ថ្ងៃនេះដោយទទួលបានការអនុញ្ញាតដ៏ឧត្តុង្គ ឧត្តមពីសម្តេចតេជោ ហ៊ុន សែន នាយករដ្ឋមន្រ្តីកម្ពុជា ជាតំណាងរាជរដ្ឋាភិបាលកម្ពុជា ក្នុងពិ ធីប្រគល់ និងទទួលកញ្ចប់តេស្តរកវីរុសអុតស្វា (Monkeypox Test Kits) ចំនួន៥០០ឯកតា ដែល ជាជំនួយដ៏ថ្លៃថ្លារបស់រដ្ឋាភិបាល និងប្រជាជនសហព័ន្ធរុស្សី ជូនរាជរដ្ឋាភិបាល និងប្រជាជននៃ កម្ពុជា ដើម្បីទប់ស្កាត់ការរីករាលដាលនៃជំងឺអុតស្វា។

ឯកឧត្តម រដ្ឋមន្ដ្រី ម៉ម ប៊ុនហេង បានថ្លែងថា «កម្ពុជា និងសហព័ន្ធរុស្សី មានចំណងមិត្តភាពជា ប្រពៃណីដ៏យូរអង្វែង ហើយបច្ចុប្បន្ន ប្រទេសយើងទាំងពីរ ក៏មានកិច្ចសហប្រតិបត្តិការក្នុងក្រប ខណ្ឌទ្វេភាគី ពហុភាគី ក៏ដូចជាក្នុង អាស៊ានបូក ដើម្បីនាំមកនូវសន្តិភាព ស្ថិរភាព សន្តិសុខ ការអភិវឌ្ឍន៍ប្រកបដោយចិរភាព និងផលប្រយោជន៍នៃប្រជាជាតិយើងទាំងពីរ»។

ឯកឧត្តម សាស្ដ្រាចារ្យ បន្ដថា ថ្ងៃនេះ ចំណងមិត្តភាព និងកិច្ចសហប្រតិបត្តិការកម្ពុជា-រុស្សី បាន បង្កើតនូវកាលានុវត្តភា ពថ្មីមួយទៀត ដែលជាការឆ្លើយតបទៅនឹងសេចក្តីប្រកាសរបស់អង្គការ សុខភាពពិភពលោក ដែលបានប្រកាសជាផ្លូវការកាលពីថ្ងៃទី២៣ ខែកក្កដា ឆ្នាំ២០២២នេះ ដោយ បានដាក់ជំងឺអុតស្វា ជាបញ្ហាសុខភាពសាធារណៈសកល។

ឯកឧត្តម រដ្ឋមន្ដ្រីក្រសួងសុខាភិបាលបានគូសបញ្ជាក់ថា «រហូតមកដល់ពេលនេះ កម្ពុជាមានករណី ជំងឺអុតស្វាតែ១ករណីគត់ ជាករណីនាំចូល ប៉ុន្តែទោះជាយ៉ាងណាក៏ដោយ រាជរដ្ឋាភិបាលកម្ពុជា ដែលមានក្រសួងសុខាភិបាលជាសេនាធិការ បានត្រៀមលក្ខណៈដើម្បីឆ្លើយតបបន្ទាន់ក្នុងករណីមាន ការផ្ទុះឡើងជំងឺអុតស្វា ជាយថាហេតុ»។

ការផ្តល់ជំនួយកញ្ចប់តេស្តរកវីរុសអុតស្វា (Monkeypox Test Kits) ចំនួន៥០០ ថ្ងៃនេះ ជាការរួម ចំណែក ដើម្បីត្រៀមបម្រុងទប់ស្កាត់ ឆ្លើយតបការរីករាលដាលនៃជំងឺអុតស្វា គឺជាកាយវិការបង្ហាញ នូវមនោសញ្ចេតនាជាបងប្អូន និងសាមគ្គីភាពរបស់រដ្ឋាភិបាល និងប្រជាជនរុស្សី ជាមួយរាជរដ្ឋា ភិបាល និងប្រជាជនកម្ពុជា នៅក្នុងកាលៈទេសៈដែលពិភពលោកទាំងមូល កំពុងជួបនឹងបញ្ហា ប្រឈមជាច្រើន ដែលមិនធ្លាប់មានពីមុនមក។

រដ្ឋមន្ដ្រី ម៉ម ប៊ុនហេង បន្ដថា «ខ្ញុំជឿជាក់ថា ទំនាក់ទំនងល្អប្រសើរជាប្រពៃណី និងកិច្ចសហប្រតិ បត្តិការរវាងប្រទេសយើងទាំងពីរ នឹងកាន់តែរីកចម្រើន រឹងមាំ នាំមកនូវភាពសុខដុម និងវឌ្ឍនភាព សេដ្ឋកិច្ច- សង្គម ជានិរន្តរ៍ ដល់ប្រជាជនយើងទាំងពីរ ដែលនឹងរួមចំណែកផងដែរ ដល់សន្តិភាព ស្ថិរភាព និងការអភិវឌ្ឍន៍នៅក្នុងតំបន់ និងពិភពលោកទាំងមូល។ ក្នុងនាមតំណាងរាជរដ្ឋាភិបាលកម្ពុជា ខ្ញុំសូមសម្តែងអំណរគុណយ៉ាងជ្រាលជ្រៅជូនចំ ពោះរដ្ឋាភិបាល និងប្រជាជនសហព័ន្ធរុស្សី ជាពិសេស ឯកឧត្តម Anatoly Borovik ឯកអគ្គរដ្ឋទូតសហព័ន្ធរុស្សី ប្រចាំ កម្ពុជា និង Russian State Research Center of Virology and Biotechnology VECTOR ដែលជាក្រុមហ៊ុនផលិតកញ្ចប់តេស្តរកវីរុសអុតស្វានេះ»។

លោក Anatoly Borovik ឯកអគ្គរដ្ឋទូតវិសាមញ្ញ និងពេញសមត្ថភាព នៃសហព័ន្ធរុស្សី ប្រចាំកម្ពុជា បានថ្លែងថា «ខ្ញុំមានកិត្ដិយសដ៏ខ្ពង់ខ្ពស់ ក្នុងការប្រគល់តេស្ដរកវីរុសអុតស្វា ជូនភាគីកម្ពុជា ជាអំ ណោយរបស់រដ្ឋាភិបាល និងប្រជាជនសហព័ន្ធរុស្សី» ។លោកបញ្ជាក់ថា ប្រទេសកម្ពុជា ជាប្រទេស ដំបូងគេ ដែលសហព័ន្ធរុស្សី បានផ្ដល់ជូននូវកញ្ចប់តេស្តរកវីរុសអុតស្វា (Monkeypox Test Kits)៕