(ប៊ែរឡាំង)៖ យោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃអង្គារ ទី០១ ខែវិច្ឆិកា ឆ្នាំ២០២២ ប្រាប់អោយដឹងថា អាល្លឺម៉ង់បានប្រាប់ប្រទេសស៊ែប៊ីថា ត្រូវតែសម្រេចចិត្តឲ្យ ច្បាស់ថា តើត្រូវចូលរួមជាមួយសហភាពអឺរ៉ុប ឬចូលជាភាពជាដៃគូជាមួយរុស្ស៊ី ពីរថ្ងៃបន្ទាប់ពី ប្រទេសចំនួនប្រាំមួយ នៅតំបន់បាល់កង់ភាគខាងលិច គ្រោងនឹងពិភាក្សាអំពីកិច្ចសហប្រតិបត្តិការ កាន់តែជិតស្និទ្ធ នៅក្នុងទីក្រុងប៊ែរឡាំង។
អ្នកតំណាងរដ្ឋាភិបាលអាល្លឺម៉ង់បាននិយាយ ដោយយោងទៅលើសង្គ្រាមរបស់រុស្ស៊ីនៅអ៊ុយក្រែន ថា «ដោយសារការវិវឌ្ឍភូមិសាស្ត្រនយោបាយ តម្រូវឲ្យមានការសម្រេចចិត្តដ៏ច្បាស់លាស់មួយ»។
![](https://ninanews168.com/wp-content/uploads/2022/11/1-4.png)
ប្រទេសស៊ែប៊ី ដែលត្រូវបានរងការទម្លាក់គ្រាប់បែក ដោយអង្គការណាតូកាលពីពីរទសវត្សរ៍មុន ប៉ុន្តែឥឡូវនេះកំពុងស្វែងរកការចូលរួមជាមួយសហភាពអឺរ៉ុបនោះ បានតស៊ូជាយូរមកហើយ ដើម្បី ធ្វើឱ្យមានតុល្យភាពទំនាក់ទំនងជិតស្និទ្ធជាប្រវត្តិសាស្ត្រជាមួយរុស្ស៊ី ក្នុងបំណងប្រាថ្នាសម្រាប់ សមាហរណកម្មសេដ្ឋកិច្ច និងនយោបាយជាមួយលោកខាងលិច។
អ្នកតំណាងរូបនេះបាននិយាយថា កិច្ចព្រមព្រៀងរវាងស៊ែប៊ី និងរុស្ស៊ីដើម្បីពង្រឹងកិច្ចសហប្រតិ បត្តិការ គឺគួរឱ្យភ្ញាក់ផ្អើល និងខកចិត្តយ៉ាងខ្លាំង ដោយវាបានប្រាស់ចាកពីការរំពឹងទុក សម្រាប់បេក្ខ ភាពចូលជាសមាជិកសហភាពអឺរ៉ុប ដែលគួរតែដាក់ទណ្ឌកម្មប្រឆាំងនឹងប្រទេសរុស្ស៊ីនោះ៕